İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin – AZPROMO-nun və İslamabad Ticarət və Sənaye Palatasının birgə təşkilatçılığı ilə Bakıda Azərbaycan-Pakistan biznes konfransı keçirilib. Tədbirdə hər iki ölkədən rəsmi şəxslərlə yanaşı, sənaye, tikinti, tekstil, informasiya texnologiyaları, səhiyyə, qida, turizm və digər sahələrdə fəaliyyət göstərən şirkətlərin nümayəndələri iştirak edib.
İqtisadiyyat nazirinin müavini Sahib Məmmədov Pakistanla sıx dostluq və qardaşlıq münasibətlərini, tərəflər arasında əlaqələrin davamlı olaraq inkişaf etdiyini vurğulayıb. Ölkələrimiz arasında tərəfdaşlığın daha da genişləndirilməsi üçün böyük potensialın olduğunu diqqətə çatdıran nazir müavini işgüzar dairələrin iştirakı ilə keçirilən tədbirlərin iqtisadi-ticarət əlaqələrinin genişlənməsində əhəmiyyətini vurğulayıb.
Azərbaycan və Pakistan biznes ictimaiyyətləri arasında əməkdaşlıq üçün geniş imkanlar var. Bunu Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.
Tədbirdə rəsmi şəxslərlə bərabər, hər iki tərəfdən sənaye, kənd təsərrüfatı, əczaçılıq, tikinti, siğorta, turizm, logistika və digər sahələrdə fəaliyyət göstərən 250-ə yaxın iş adamı qatılıb.
Konfransda “Marathon Group” şirkətinin direktoru Fərid Həsənzadə Pakistan ilə Azərbaycan arasında təhsil innovasiyası və təhsil sahəsində sıx birgə əməkdaşlıq üçün müxtəlif təkliflər irəli sürüb. Təhsil sahəsində ikitərəfli əlaqələrin inkişafı ilə bağlı müzakirələr aparılıb.
Çıxışda bildirilib ki, Agentlik və Pakistanın KOB-ların İnkişafı Təşkilatı arasında əməkdaşlığın qurulması istiqamətində tədbirlər görülür. İş adamları arasında təcrübə mübadiləsi və birgə təşəbbüslərin həyata keçirilməsi nəzərdə tutulur.
DİGƏR XƏBƏRLƏR
“Marmara Group” Xaricdə təhsil mərkəzinin təşəbbüsü ilə Lənkəran və Astara rayonu ümumtəhsil məktəblərində bilik yarışı keçirilib
2018-ci il, dekabrın 1-də “Marmara Group” Xaricdə təhsil mərkəzinin təşəbbüsü və Lənkəran Şəhər Təhsil Şöbəsinin təşkilatçılığı ilə Lənkəran və Astara rayonu ümumtəhsil məktəbləri şagirdlərinin iştirakı ilə bilik yarışı keçirilib. Yarışında Lənkəran və Astara rayonlarının 17 məktəblisi yüksək nəticə göstərib. 2019-cu ilin 12 yanvarında isə yüksək nəticə göstərmiş məktəblilərin mükafatlandırılma mərasimi baş tutub. Mərasimdə “Marmara Group” […]
Kütahya Dumlupınar Universitetinin akademik heyəti və rəhbər işçiləri “Marmara Group”un qonağı olublar
Görüşdə Kütahya Dumlupınar Universiteti haqqında məlumatlar verilib, ixtisaslar və universitetin tədris proqramı ilə əlaqədar bir sıra suallara aydınlıq gətirilib. Həmçinin, ikitərəfli əməkdaşlığın daha da inkişaf etdirilməsi ilə bağlı müzakirələr aparılıb. Görüşün sonunda Kütahya Dumlupınar Universiteti tərəfindən şirkətimizə xatirə hədiyyəsi təqdim edilib.